नवलपरासी, ०३ जेठ। जिल्लाको प्रतापपुर गाउँपालिका–९ बेलाटारीस्थित त्रिभुवन मावि चोकबाट लागुऔषध ब्राउनसुगर र गाँजासहित तीन जनालाई प्रहरीले पक्राउ गरेको छ। प्रतापपुर गाउँपालिका–८ पिपरपाती बस्ने वर्ष २८ का काशिमअली मुसलमान, वर्ष १९ का कुर्सेद मियाँ र वर्ष ३१ का तेजबहादुर कुर्मीलाई बिहीबार प्रहरीले पक्रेको हो।
उनीहरूको साथबाट एक ग्राम खैरो ब्राउनसुगर र नौ ग्राम गाँजा बरामद गरिएको इलाका प्रहरी कार्यालय बेलाटारीले जनाएको छ।
