एजेन्सी, ०२ भदौ। भारतस्थित महाराष्ट्र राज्यमा आइतबार राति भएको सडक दुर्घटनामा परी १५ जनाको मृत्यु भएको अधिकारीहरुले जनाएका छन्। भारतका सञ्चारमाध्यमहरुले जनाएअनुसार महाराष्ट्रस्थित निमगुल गाउँमा उक्त दुर्घटना भएको हो।
औरंगावादबाट धुलेतर्फ जाँदै गरेको बस कन्टेनरसँग ठोक्किएको थियो। उक्त दुर्घटनामा परी १५ जनाको मृत्यु भएको जनाइएको छ भने घाइते ३५ जनामध्ये केहीको अवस्था गम्भीर रहेको जनाइएको छ।
घाइतेहरुलाई अस्पताल लगिएको प्रहरीले जनाएका छन्। उता उपचारमा संलग्न चिकित्सकले केहीको अवस्था गम्भीर रहेको जनाएका छन्।
