पुष २६ । इन्ग्लिश प्रिमियर लिग फुटबलमा आज शनिबार विभिन्न सात खेलहरु हुँदैछ।
प्रिमियर लिगमा शनिबार लिग लिडर लिभरपुल, म्यानचेस्टर युनाइटेड, आर्सनल, चेल्सी, टोटेनहम, लेष्टर सिटी लगायतका क्लबले प्रतिस्पर्धा गर्ने छन्।
नेपाली समय अनुसार साँझ ६:१५ मा आर्सनलले क्रिस्टल प्यालेससँग उसैको मैदानमा खेल्नेछ। लिगको दशौँ स्थानमा रहेको आर्सनल जित निकाल्दै अंक तालिका सुधार गर्ने लक्ष्यमा हुनेछ।
नवौं स्थानमा रहेको क्रिस्टल आर्सनललाई घरेलु मैदानमा स्तब्ध बनाउने योजनामा हुनेछ। आर्सनलको २७ अंक रहदा क्रिस्टलको २८ अंक रहेको छ ।
चेल्सीले घरेलु मैदानमा बर्नलीको सामना गर्नेछ। खेल राति ८:४५ बजे सुरु हुनेछ। घरेलु मैदानमा जित निकाल्दै चेल्सी शीर्ष तीनका क्लबसँगको अंक दुरी कम गर्ने योजनामा हुनेछ। चौंथो स्थानको चेल्सीको ३६ अंक रहेको छ।
लिगको दोस्रो स्थानमा रहेको लेष्टरले घरेलु मैदानमा साउथह्यामटनसँग खेल्नेछ। लेष्टर सहज जित निकाल्दै शीर्ष स्थानको लिभरपुलमाथि दबाब कायम गर्न चाहन्छ। लेष्टरले २१ खेलमा ४५ अंक जोडेको छ।
म्यानचेस्टर युनाइटेडले घरेलु मैदानमा नर्विच सिटीसँग प्रतिस्पर्धा गर्नेछ। खेल राति ८:४५ बजे सुरु हुनेछ। घरेलु मैदानमा जित निकाल्दै युनाइटेड अंक तालिका सुधार गर्ने योजनामा हुनेछ। युनाइटेड ३१ अंक जोडेर लिगको छैटौं स्थानमा रहेको छ।
लिग लिडर लिभरपुलले टोटेनहमसँग उसैको मैदानमा खेल्न छ । खेल राति ११:१५ मा सुरु हुनेछ।
टोटेनहमविरुद्ध लिभरपुल जित निकाल्दै उपाधि होडमा एक कदम अघि बढ्न चाहन्छ । यस्तै अपराजित यात्रालाई कायम राख्न चाहन्छ।
यता, घरेलु टिम टोटेनहम लिभरपुललाई पहिलो हार चखाउने योजनामा हुनेछ।
लिगमा लिभरपुलले २० खेलमा ५८ अंक जोडेको छ । ३० अंक जोडेको टोटेनहम सातौं स्थानमा रहेको छ। एजेन्सी
