काठमाण्डौं, माघ १ । ललितपुर, महालक्ष्मी नगरपालिका-४ वोझेपोखरी बस्ने कुरजी चौधरीको घरबाट नगद र सुनका बिभिन्न गहना गरी करिब ५ लाख ७५ हजार रुपैयाँ बराबरको धनमाल मंगलबार साँझ चोरी भएको छ।
सोही घरमा डेरा गरी बस्ने लक्ष्मी पहरीको कोठाबाट करिब १ लाख १० हजार रुपैयाँ र चौधरीको कोठाबाट करिब ४ लाख ६५ हजार रुपैयाँ गरी उक्त रकम बराबरको धनमाल चोरी भएको हो।
रुपन्देही, रोहीणी गाउँपालिका-३ परासीझुंगास्थित मिलन ब्रदर्श पेट्रोल पम्पको काउण्टरबाट नगद १ लाख ५० हजार रुपैयाँ मंगलबार बेलुका चोरी भएको छ। २ वटा पल्सर मोटरसाइकलमा आएका २ जना ब्यक्तिहरुले पेट्रोल भर्ने क्रममा काउण्टरमा रहेको सो नगद चोरी गरेका हुन्।
