मोरङ, माघ ९ । मोरङमा कलेज बस दुर्घटना हुँदा एक जनाको ज्यान गएको छ भने ११ जना विद्यार्थी घाइते भएका छन्। मोरङको घनपालथान गाउँपालिका वडा नम्बर(४ रामचोकमा विद्यार्थी बोकेको बस अनियन्त्रित भएर पल्टिएको थियो।
बिहीबार बिहान साढे ६ बजे लर्डबुद्ध कलेजका विद्यार्थी बोकेको मे १ ख १४९० नम्बर बस दुर्घटना हुँदा बसका सहचालकको ज्यान गएको प्रहरीले जनाएको छ।
बसधनीसमेत रहेका सहचालक विराटनगर १५ का ३२ वर्षीय सानु साहको दुर्घटनामा मृत्यु भएको हो। बसका चालक भने फरार रहेको र उनको खोजी भइरहेको प्रहरीले जनाएको छ।
