काठमाण्डौं, माघ ९ । चावहिलस्थित धोबी खोलाको किनारमा एउटा नवजात शिशुको शव फेला परेको छ।
गोपीकृष्ण हल नजिकै खोला किनारमा करिब ८ दिनजति उमेर भएकी (बालिका) शिशुको शव फेला परेको महानगरीय प्रहरी बृत्त गौशालाले जानकारी दिएको छ।
साल–नालसहितको शिशुको शवलाई पत्रिका र कपडाले बेरेर खोलामा फालेको अवस्थामा फेला पारिएको प्रहरीले जानकारी दिएको छ। प्रहरीले शिशुको शव फाल्ने व्यक्तिको खोजी भइरहेको जनाएको छ।
