असोज ३, २०८१
काठमाडौं । आज बिहीबारदेखि सर्वसाधारणले धरहरा चढ्न पाउने भएका छन् । केन्द्रीय आयोजना कार्यान्वयन इकाइ (भवन तथा आवास) का परियोजना का प्रमुख कोषनाथ अधिकारीले काठमाडौंको सुन्धारास्थित नवनिर्मित धरहरा आजदेखि सर्वसाधारणले चढ्न पाउने बताए ।
उनका अनुसार सरकारले शहरी विकास मन्त्रालयमार्फत आजदेखि धरहरामा दैनिक करिब ५०० जनालाई चढ्न दिने गरी व्यवस्थापन गर्दैछ ।
विहान ११ बजेपछि प्रत्येक आधा घण्टामा १०० जनाका लागि टिकट बुक गर्ने गरी व्यवस्था गरिएको उनको भनाइ छ ।
अर्को निर्णय नभएसम्मका लागि धरहराको प्रवेश टिकट निःशुल्क गरिनेछ । धरहराभित्रको पार्किङ पनि निःशुल्क हुनेछ ।
