असोज १५, २०८१
काठमाडौँ —बर्नमाउथले इंग्लिस प्रिमियर लिगमा सोमबार सजिलो ३–१ को जित निकालेको छ । खराब लयबाट गुज्रिरहेको साउथह्याम्पटन भने नयाँ सिजन जितविहीन रह्यो । यो जितपछि बर्नमाउथ ११ औं स्थानमा पनि उक्लिएको छ ।
बर्नमाउथको ६ खेलबाट ८ अंक भएको छ । साउथह्याम्पटन भने एक अंकमा मात्र सीमित छ र रेलिगेसन क्षेत्रमा छ । उसको पछाडि एकै अंकमा उल्भ्स सबैभन्दा पुछारमा छ ।
बर्नमाउथका लागि इभानिल्सन, डागो क्वटारा र एन्टोनिया समेन्योले गोल गरे । साउथह्याम्पटनले दोस्रो हाफमा एक गोल फर्काएको थियो र त्यो टेलर हार्डउड–बेलिसको नाममा रह्यो ।
